Les mots surlignés font l'objet d'une note
1Monseigneur, suyvant la lettre quil vous a pleu mescripre du VIIIe,
2jay bailhé la sienne à monsieur le contrerolleur Lyonne et avons
3conferé ensemble avec monsieur le secretaire du pays et nonobstant
4que ledit Lyonne neust des deniers du pays, il estoit tout prest
5et en bonne voulanté dadvancer le payement dung moys. Ayant
6faict entendre au cappitaine des Suysses pour prendre
7heure de faire leur monstre, il nous pria vouloir differer
8jusques au moys prochain à cause que quatre de ses soldatzs
9sen sont allés et ung en mourut lundy dernier et quil
10avoit despeché messagier pour en aller querir en leurs places
11et que estans venus, ilz firont monstre tout en ung coup
12pour deux moys. Nous luy dismes que nous vous en advertirions
13du tout, pour après en faire sellon votre bon voulloir et commandement.
14Ce pendant, il a promis quil en prestera à ses soldatz, de
15sorte que nen aurés aulcune plaincte. Vous estes tous
16les jours adverty de ce que ce faict icy, qui me gardera en
17dire davantage, sil nest que monsieur de Raintz, nepveu de
18monsieur de Brigandières morut à nuyct dune expesse du mal
19chaud et que nous avons icy une grand course de fièvre
20et tous les jours saugmentent, et Dieu mercy, cest sans
21dangier quant ilz sont bien secorus. Les consulz de Chambery
22nous ont escript du XIe de ce moys comme la peste continue
23à Genève et aux envyrons, de sorte quil y a inhibitoin de par
24son altesse et de monsieur le gouverneur de Savoye de ne
25frequanter audit Genève, ne aux envyrons, sur peyne de punysion
26corporelle. Monsieur Demurs arrivat sabmedy dernier, ce portant
27fort bien. Et à ce, je prieray Dieu vous donner
28Monseigneur, en très bonne santé, longue et heureuse vie. De
29Grenoble, ce XIIIe aoust 1572
30Voustre très humble et très hobeissant
31Serviteur
32Chastelard
3334